கோவிட்-19 கனடா: நாற்பதினாயிரம் தொற்று இரண்டாயிரம் இறப்பு

கனடாவில் கோவிட்-19 கொறோனா நுண்மித் தொற்று உறுதி செய்யப்பட்டவர்களின் எண்ணிக்கை 40,190 ஆக அதிகரித்துள்ளது.

இதுவரை மரணித்தோரின் எண்ணிக்கை இரண்டாயிரத்தைக் கடந்துள்ள அதேவேளை, 13,999 பேர் குணமடைந்துள்ளதாகவும் புள்ளிவிபரத் தகவல்கள் தெரிவிக்கின்றன.

எனினும், மணித்துள்ளவர்களில் 50 சதவீதத்துக்கும் அதிகமானோர் நீண்டகால பராமரிப்பு இல்லங்களில் தங்கவைக்கப்பட்டிருந்த மூதாளர்களாக காணப்படுகின்றனர்.

குபெக்கில் இன்று புதிதாக 839 கோவிட்-19 தொற்று அடையாளம் காணப்பட்டதுடன், இதுவரை உறுதி செய்யப்பட்டவர்களின் எண்ணிக்கை 20,965 ஆகவும் மரணமானோர் 1,134 ஆகவும் குணமடைந்தோர் 4291 பேராகவும் காணப்படுகின்றது.

ஒன்றாரியோவில் இன்று புதிதாக 510 கோவிட்-19 தொற்று அடையாளம் காணப்பட்டதுடன், இதுவரை உறுதி செய்யப்பட்டவர்களின் எண்ணிக்கை 12,245 ஆகவும் 37 புதிய உயிரிழப்புக்களுடன் மரணமானோர் 659 ஆகவும் குணமடைந்தோர் 6221 பேராகவும் தெரிவிக்கப்படுகிறது.

அல்பேட்டாவில் 3401 பேர் தொற்றால் பாதிக்கப்பட்டுள்ளதுடன், 1310 பேர் குணமடைந்துள்ளனர். அத்துடன் 66 மரணங்களும் நிகழ்ந்துள்ளன.

பிரிட்டிஸ் கொலம்பியாவில் 1795 தொற்றுக்களும் 90 மரணங்களும் பதிவாகியுள்ளன. அத்துடன் 1079 பேர் குணமடைந்துள்ளனர்.

அனைத்துலக ரீதியாக பேர் 2.63 மில்லியன் தொற்றுக்குள்ளாகியுள்ளதுடன், 182,999 பேர் மரணித்தும் உள்ளதாக புள்ளிவிபரத் தகவல்கள் தெரிவிக்கின்றன.