Skip to main content

ஓன்டாரியோவில் நீடிப்புச் செய்யப்படும் அவசரகால நிலைப்பிரகடணம்.

கோவிட்-19 கொறொனா கொல்லுயிரி தொற்றை கட்டுப்படுத்தும் வண்ணம் ஒன்டாரியோ மாகாணத்தில் அமுலில் உள்ள அவசரகால நிலைப் பிரகடணத்தை மேலும் 28 நாட்களுக்கு நீடிப்புச் செய்யும் பிரேரணையை நாளை கூடும் சட்டசபையில் முதல்வர் டக் ஃபோர்ட் கொண்டுவரவுள்ளார்.

மாகாண முதல்வரின் அவசர நிலை மேலாண்மை மற்றும் சிவில் பாதுகாப்புச் சட்டத்தின் கீழ், கடந்த மார்ச் 17ம் நாள் அறிவிக்கப்பட்ட அவசரகால நிலைப் பிரகடணத்துக்கு அமைவாக பள்ளிக்கூடங்கள், குழந்தைகள் பராமரிப்பு நிலையங்கள் மற்றும் அத்தியாவசிய சேவைகள் அற்ற வியாபாரங்கள் அனைத்தும் மூடப்பட்டன.

அத்துடன் மக்கள் ஒன்று கூடுவது, முகாம் இடுவது உள்ளிட்ட பல்வேறு செயற்பாடுகளுக்கும் தடைவிதித்தும், கட்டுப்பாடுகளும் அறிவிக்கப்பட்டுள்ளன.

நாளை அவசரமாக கூடும் சட்டசபையில் அவசரகால நிலைப் பிரகடண நீடிப்பு, கல்விசார் நடவடிக்கை, குழந்தைகள் பராமரிப்பு மற்றும் நகரசபையின் நிதி உதவியுடன் இயங்கும் வாழ்விட உதவிகள் திட்டங்களை இந்த நெருக்கடியான காலகட்டத்தில் கையாள்வது போன்ற விடயங்கள் குறித்து சட்ட மூலங்கள் நிறைவேற்றப்படலாம் என்று எதிர்பார்க்கப்படுகிறது.

இந்த அசாதாரண சூழலில் மக்களின் பாதுகாப்பையும் நலனையும் கருத்திற் கொண்டு நடவடிக்கை முன்னெடுக்கப்பட்டு வருவதாகவும் குறிப்பிட்டுள்ள மாகாண அரசு, இவற்றால் மக்கள் எதிர்நோக்கும் பாதிப்புக்கள் குறித்தும் புரிந்து கொள்வதாக தெரிவிக்கப்பட்டுள்ளது.

இதுவரை கோவிட்-19 கொறொனா கொல்லுயிரி தொற்றால் ஒன்டாரியோவில் சுமார் 300 உயிரிழப்புக்கள் ஏற்பட்டுள்ளதுடன், ஏழாயிரம் பேர் வரை பாதிக்கப்பட்டும் உள்ளனர் என்பது குறிப்பிடத்தக்கது.

Labels:

Comments

Post a Comment

Popular posts from this blog

சிறார் துஷ்பிரயோகத்தை கண்டு கொள்ளாத இலங்கையின் தேசிய சிறுவர் பாதுகாப்பு அதிகாரசபை!

 இலங்கையில் கடந்த 2010 முதல் 2019 வரையான காலப்பகுதியில் சிறார் துஷ்பிரயோகம் தொடர்பில் தேசிய சிறுவர் பாதுகாப்பு அதிகார சபையிடம் மேற்கொள்ளப்பட்ட 48,000 முறைப்பாடுகளில், ஐநூற்றுக்கும் குறைவான முறைப்பாடுகள் தொடர்பில் மட்டுமே நடவடிக்கை எடுக்கப்பட்டுள்ளதாக தெரிவிக்கப்படுகிறது. 
Post a Comment
Read more

மிகக்குறைவான கொறோனா தொற்றுக்கள் ஒன்றாரியோவில் பதிவு

கடந்த மூன்று மாதங்களின் பின் ஒன்ராறியோவில் குறைந்த எண்ணிக்கையில் கோவிட்-19 கொறேனா பெருந்தொற்றின் நாளார்ந்த எண்ணிக்கை 111 ஆக பதிவாகியது. கோவிட் 19 தொற்று வீரியம் பெறத் தொடங்கிய மூன்று மாத காலத்தின் பின், இன்று ஆகக் குறைந்த எண்ணிக்கையாக இது பதிவாகியுள்ளது. நேற்று அறிவிக்கப்பட்ட எண்ணிக்கையான 189 ஐ விடவும் இது கணிசமாகக் குறைந்துள்ளது. இப்போது கடந்த 5 நாட்களுக்கான சராசரி எண்ணிக்கை 168 ஆகும். இது மிகவும் வரவேற்கத்தக்க செய்தி என்றாலும், ஒரு நாள் தரவிலிருந்து நாங்கள் பல முடிவுகளை எடுக்கக்கூடாது என்று மாகாண நலத்துறை அமைச்சர் கிறிஸ்ரின் எலியட் தெரிவித்துள்ளார். தொற்றுநோய் பரவலின் வீழ்ச்சியை நாம் தொடர்ச்சியாகக் கண்கானித்து வருவோம் எனத் தெரிவித்தார். நேற்று வியாழக்கிழமை மாகாணத்தின் ஆய்வுகூடங்களில் சுமார் 30,780 சோதனைகள் நடத்தப்பட்டிருந்தன. தொற்றுநோய்க்கு உள்ளாகி சிகிச்சை பெற்று வருவோர் எண்ணிக்கையும் மிகக் குறைந்துள்ளது. முதல் தடவையாக 2000 க்கும் குறைவான நோயாளிகளே சிகிச்சை பெற்று வருகின்றனர். நேற்று மட்டும் 220 நோயாளிகள் குணமடைந்துள்ளனர். மாகாணத்தில் 34 சுகாதாரப் பிரிவுகளில் 19 பிரிவுகள...
Post a Comment
Read more

கடந்த வாரம் 2% ஆனவர்கள் மட்டுமே பாதிக்கப்பட்டிருந்தனர் - கனடிய பொதுச் சுகாதார மருத்துவர்!

கனடாவில் இதுவரை சுமார் 21 இலட்சத்து 13 ஆயிரத்து 924 பேருக்கு கோவிட்-19 தொற்றுப் பரிசோதனை மேற்கொள்ளப்பட்டுள்ளதாக கனடிய பொதுச் சுகாதாரத்துறை தலைவர் மருத்துவர் தெரேசா ராம் இன்று வெளியிட்டுள்ள அறிக்கையில் தெரிவிக்கப்பட்டுள்ளது. கனடாவில் பாதிக்கப்பட்டவர்களில் 60 சதவீதமானவர்கள் சிகிச்சையின் பின்னர் குணமடைந்தும் உள்ளனர். கடந்த வாரம் நாடு முழுவதும் மேற்கொள்ளப்பட்ட பரிசோதனைகளில் இரண்டு சதவீதமானவர்கள் மட்டுமே கொறோனா தொற்றால் பாதிக்கப்பட்டிருந்ததாகவும் மருத்துவர் ராம் கூறினார். கனடாவில் தொற்றால் பாதிக்கப்பட்டவர்களின் எண்ணிக்கை ஒரு இலட்சத்து 44 ஆக அதிகரித்துள்ளது. இவர்களில் 59,851 பேர் குணமடைந்தும், 8183 பேர் மரணித்தும் உள்ளனர்.
Post a Comment
Read more