கோவிட்-19 தொற்றைக் கண்டறியும் இலகு கருவி!

கோவிட்19 கொறொனா கொல்லுயிர்த் தொற்றுக் குறித்த பரிசோதனையை மேற்கொள்ளும் வகையில் இலகுவில் கொண்டு செல்லத்தக்க விசேட கருவி ஒன்று கனடிய ஆய்வக நிறுவனம் ஒன்று தயாரித்துள்ளது.
கனடிய தலைநகர் ஒடாவாவை தளமாகக் கொண்ட Spartan BioScience என்ற நிறுவனம் தொற்றுநொய்ப் பரிசோதனைகளை மேற்கொள்ளும் இவ்வாறான பல கருவிகளை ஏற்கனவே தயாரித்துள்ளது. அந்த வகையில் கோவிட்19 பரிசோதனையை மேற்கொள்ளும் Spartan Cube என்ற கருவியை அது தயாரித்துள்ளது.

மத்திய அரசின் அனுமதியுடன் இக்கருவி சந்தைக்கு வருகின்றது.

இந்தவாரம் மத்திய மற்றும் மாகாண கோவிட்-19 பரிசோதனை மையங்களில் இந்தக் கருவி மூலம் பரிசோதனை மேற்கொள்ளப்படும். 60 நிமிடங்களில் முடிபைச் சொல்லும் இக்கருவியின் பிந்திய தொழிநுட்பத்தில் 30 நிமிடங்களுக்குள் தொற்றுக் குறி;த்த முடிபை காண்பதற்கு மாற்றியமைக்கப்படும் என்று குறித்த நிறுவனம் தெரிவித்துள்ளது.

இந்நிலையில் அந்நிறுவனத்துக்கு பெருமளவான கொள்முதல்கள் கிடைக்கப்பெற்றுள்ளன. மத்திய அரசாங்கம் நாற்பதாயிரம் கருவிகளுக்கான கொள்முதலை கோரியுள்ளது.

எனினும் கனடியர்களின் தேவைக்கு முன்னுரிமை கொடுக்கவுள்ளதாக அந்நிறுவனத்தின் நிறைவேற்று அதிகாரி போல் லெம் (Paul Lem) தெரிவித்தார்.