ஒன்றாரியோ மீள்கின்றது: புதிய தொற்றுகளின் எண்ணிக்கை 258

ஒன்றாரியோ மீள்கின்றது: புதிய தொற்றுகளின் எண்ணிக்கை 258

ஆறு வாரங்களுக்குப் பின் ஆகக் குறைந்த எண்ணிக்கையாக 258 புதிய தொற்றுகள் உறுதிப்படுத்தப்பட்டுள்ளன.

 

கடந்த ஏப்ரல் 25 திகதி அதிகூடிய நாளாந்த எண்ணிக்கையாக 640 காணப்பட்டது. தொடர்ந்து மேற்கொள்ளப்பட்ட பாதுகாப்பு நடவடிக்கைகளாலும் மக்களின் ஒத்துழைப்பாலும் இந்த எண்ணிக்கை குறைவடையத் தொடங்கியது. எனினும் ஏற்ற இறக்கமாகக் காணப்பட்ட நாளாந்தப் பரவல் அண்மை நாட்களாகக் கணிசமாகக் குறைவடைய ஆரம்பித்திருந்தது. அதன் தொடர்ச்சியாக இன்று குறைந்த எண்ணிக்கை அவதானிக்கப்பட்டுள்ளது. 

கடந்த வாரத்தில் ஒவ்வொரு நாளும் சராசரியாக 346 புதிய தொற்றுகள் உறுதிசெய்யப்பட்டிருந்தன. இந்த வாரத்தில் 300 குறைந்த எண்ணிக்கையை வெளிப்படுத்தும் இரண்டாவது நாள் இதுவாகும். 

ஒன்ராறியோவின் நலத்துறை நடுவத்தின் தலைமை மருத்துவ அதிகாரி டாக்டர் டேவிட் வில்லியம்ஸ் இந்த வாரத்தின் தொடக்கத்தில் இது மிக விரைவான கீழ்நோக்கிய போக்கு அல்ல. இத்தொற்று வீழ்ச்சியுறாத போக்கினையே நாம் காண்கின்றோம் எனக் கூறியிருந்தார். நாம் வழமை நிலைக்குத் திரும்புவதற்கு எண்ணிக்கையின் அளவு மேலும் குறைய வேண்டும் எனத் தெரிவித்திருந்தார். 

கடந்த 24 மணிநேரத்தில் 33 இறப்புகள் அறிவிக்கப்பட்டிருக்கின்றன. இரண்டு வாரங்களுக்குப் பின் இறப்பு எண்ணிக்கையும் குறைவடைந்துள்ளது. 

ஒன்றாரியோவில் இதுவரை இறந்தவர்களின் எண்ணிக்கை 1,798 ஆகும்.

நேற்று புதன்கிழமை 17,429 சோதனைகள் நடத்தப்பட்டிருந்தன. இதில் 1.5 வீதத்தினரே தொற்றுக்கு உள்ளாகியிருந்தனர். 

மருத்துவமனையில் சேர்க்கப்படுவதைப் பொறுத்தவரை, அவை ஒரு நாளுக்கு முன்பே ஒப்பீட்டளவில் நிலையானவை.

ஒன்ராறியோ மருத்துவமனைகளில் தற்போது தொற்றுக்கு உள்ளான 1,026 நோயாளிகள் உள்ளனர், இதில் தீவிர சிகிச்சை பிரிவுகளில் 184 பேர் உள்ளனர். இந்த எண்ணிக்கை குறைந்து வருகின்றது.